غلب الموت

المسيح غلب لنا الموت  الموت فالمسيح رب المجد  لما أخذ الجسد بتاعنا وصدر ضده حكم الموت فا نزل فى القبر مات على الصليب ونزل للقبر وفى ثالث  يوم طلع من القبر تانى فين قوة الموت هنا زى ما بيقول  معلمنا بطرس  لم يكن ممكنا ان يمسك منه ما يقدرش الموت يمسكه لانه غلبه فالموت دا عدو لينا ربنا يسوع دخل معاه فى معركة تعالوا نبحث الموت فين وجاء منين الموت سببه الخطية قال خلاص هشيل الشوكة بتاعته شوكة موت الخطية راح المسيح على الصليب حمل خطايانا فى شكل اكليل شوك على راسه وذاق كأس الموت يبقى كسر الشوكة بتاعته مش شوكته هى الخطية شالها مننا فالموت اتشال شوف يا عزيزى كل مرة تيجى الكنيسة وكل مرة يكون ليك ايمان فى دم المسيح انه يطهرك من الخطية انت تبقى غلبت الموت على طول لان الموت مالهوش سلطان عليك حتى لو دخلنا القبر هنطلع منه ثانى فى اليوم الاخير وها نلبس الأجساد بتاعتنا ونقف قدام المسيح حتى القبر المغلق مش هيقدر يغلبنا لكن الخوف من الموت الابدى المسيح كسر شوكته وحمل بنفسه الشوك على خشبه الصليب وترنم بولس الرسول اين اين شوكتك ياموت اين غلبتك يا جحيم فين شوكة الموت ؟ شوكة الموت هى الخطية والمسيح ايه غلب غلب الموت بانه اخذ الشوكة بتاعته الشوكة السامة اللى تسيب السم فى جسم الإنسان وتخليه يموت الشوكة دى هى الخطية عشان كدة إن أخطا أحد فلنا شفيع واحد يسوع المسيح البار هو كفارة لخطايانا ليس لخطايانا فقط بل لخطايا العالم كله برضوا هنرجع للإيمان ثانى لما تيجى الكنيسة هنا تيجى وانت فرحان كدة ومؤمن ان دم المسيح على المذبح ده يطهرك من كل خطية تيجى وانت تائب وحاسس ان دم المسيح يغسلك من خطاياك تعالى وخد واطلع فرحان ومبسوط لان دم المسيح يطهرك ايه اللى فاضل فى العالم ما اتغلبش الجسد ... العالم ... الموت ... كل ده اتغلب