شفاء الجروح

 ويبعت شِفاء لأفكارك المُشتتة فا تهدا وترجع تتحكم فيها تاني ..

شفاء لجروح قديمة ماكنتش تتخيل انها ممكن في يوم تبطّل توجعك.. 

شفاء من خوفك المرضي من المستقبل، فا تبُص لقدام وانت هادي وواثق أن حياتك مش عشوائية وان الله له الكلمة الاخيرة فيها.. 

شفاء من الحاح احتياجات مش مُسددة، وسكوت لاصوات "بتسوقك" تعمل حاجات تبان مريحة دلوقتي بس مُكلفة وهتدفع تمنها سنين.. اصوات جواك متعرفش اترمت عليك منين بس اللي تعرفه انها مش من الله عشان كدة كان لازم يحطلها حد.

شفاء وهدوء لأعماقك وسط واقع ملخبط وناس مُتعبة.. فا تلاقي حُب جواك رغم غياب المسببات ليه.. تلاقي سلام رغم تقلبات الناس.. تلاقي طاقة رغم عدمية المشهد وعشوائيته.. 

وكانك شايف حاجة الناس مش شايفاها، هو أنت فعلاً هتشوف حاجة.. الله هايستئمن روحك على صور من روحه هو.. صور ورا الواقع المادي ده تخليك ماشي ومكمل وانت فاهم أنت بتحارب في ايه ونتيجة تعبك ده ايه.. 

ويرسملك صور في روحك عن تعويض جاي.. تعويض اكبر من اي وجع كاسرك و ذلّك دلوقتي.. ويشدّدك ويمسك ايديك لحد ما الصور دي تتحول لواقع..