إرع غنمى

احنا فى صفوف الكنيسة هنا فى نفوس قلبها يولع غيرة لمحبة الكنيسة تبدى تخدم وصدقنى لما تبدى تخدم مش هتيجى تقول اخدم فين لما قلبك ياكلك لما تعرف ان تابوت العهد متبهدل دا المسيح لما يجى فى الاخر ويتكلم معانا فى السماء يقول كنت مسجون فزرتمونى انت اتسجنت ياربى يقولهم يا سلام عارفين الشبان دول اللى بيتسكعوا فى الشوارع وانتم حضرتكم كنتوا بتيجوا وتحضروا اجتماع الشباب مكنش واحد منكم بيكلف خطره وانه يتعب على زميله ويقنعه يجى الكنيسة عارفين الشبان دول انا كنت مسجون جواهم لأن الروح القدس حزين جوا النفوس المتعبة لان دول الروح القدس ساكن فيهم بس انت شاطر يجى ميعاد اجتماع تيجى وتسمع كلمتين وتروح وتحضر قداسك وتقول سامحنى يعنى وأنا زيك بنقول مع الفريسى أشكرك يارب الحمد الله احنا ماشين عادى ولما تيجى تعترف لابونا تقول الحمد لله انا بحضر القداسات وبعترف وبتناول وبحضر اجتماع ماهو المطلوب منى اكثر من هذا 

انا معرفش ايه المطلوب منك اكثر من هذا لكن اعرف حاجه واحده ان اوريا الحثى أنا الراجل ده حطيته فى ذهنى شخصية مش عاوز طبعا داود عظيم وسط الملوك خلاص اهو عظيم وسط الملوك لكن اوريا الحثى عظيم وسط الكنيسه لان اوريا رفض حقوقه الشخصية متعة الشخصية لذته وراحته وحقه  بيته ومشاعره داس عليها لان مشاعر ربنا كانت ماليه قلبه تابوت العهد المرمى فى الصحرا هو اللى كان شاغل قلبه تابوت العهد اللى ماشى النهارده يا احبائى واخواتى الكنيسه النهارده محاصرة بكل القوة التى تتصورها وتابوت العهد فى الصحرا محاصر بالعالم الشرير ودى اقوى قوة ومأقصدش العالم بالاضطهاد وان كانت دى  احد الحصارات  لكنها اقل محاصرة بشهوات العالم وباغراته النهارده مفيش بنت بتضيع من الكنيسة ولا شاب بيضع من الكنيسة وبينكر المسيح الا بسبب بنت او بسب ولد وهكذا فالكنيسه محاربه بشهوات كتير حتى ولاد المسيح محاربين ايضا بشهوات فى الكنيسه وشهوات فى العالم وقلبهم مش مع ربنا ويقولك دا حقنا احنا شباب يا اخى لازم نتمتع بالشباب بتاعنا أوريا اتنازل عن حقوقه دول كانوا ناس عظام اهى الخدمه تبتدى بالحته دى تبدا تتنازل عن حقوقك الشخصية ويبدا قلبك يتملى بمحبة ربنا 

الموسم ده اسمه موسم الصيد كفاياك تقعد كده وتيجى تحضر الاجتماعات وتسمع ايه الخدمه اللى بتقدمها للمسيح 

ياسمعان ابن يونا اتحبنى 

                                           إرع غنمى