يا ترى ممكن تعمل رحلة دلوقتي لمدة ساعتين؟ ⌚
لأول مرة ممكن تستمتع بقراية الإنجيل بطريقة جديدة و في ساعتين بس
اكتشف كلام ربنا ليك من خلال انجيل مرقس وبطريقة مش هاتنساها 😊
يعني ايه جبل الكورونا؟⛰
عشان احنا مصدقين أن ربنا ما وعدناش بعالم من غير ضيق لكنه وعد انه هايكون
معانا في وسط الضيق عملنا تحدي جبل الكورونا.
ليه جبل وليه تحدي؟ عشان زي ما انت شايف أن الوضع بوضوح اصبح صعب، في ناس فقدت احبابها، في ناس هاتعدي بفترة صعبة ونتيجة لكل دول في ناس هاتواجه صعوبة حتى لو هما نفسهم ما عدوش بالعدوى لكن غالباً هايتأثروا بنيتجتها سواء في مذاكرتهم أو شغلهم وبالتأكيد في شكل حياتهم.
فكرنا نتخيل الكورونا كأنها جبل و الجبال محتاجة ابطال عشان يقبلوا يطلعوها، فكرنا بدل ما نراقب الاخبار ونسيب مشاعرنا تبقى رد فعل للاحداث، قلنا نستغل الفرصة في محاولة الاقتراب والحماية في ربنا.
جبل الكورونا: هو نتيجة تعاون خدمات مختلفة عشان تختار مجموعة مميزة من المواد اللي اتعملت بطريقة شيقة عشان تبنيك في الوقت الصعب.
يا ترى كام واحد هايقبل التحدي ويستثمر في علاقته مع ربنا؟
ليست هناك تعليقات:
إرسال تعليق
اكتب تعليقك اذا كان لديك أى تسائل عن الموضوع وسنجيبك فور مشاهده تعليقك