طفل 🧒
نوبى بسيط بلبس فلكورى عايش فى قرية نوبيه وبيحب الطبيعة والرسم وبتجمعه صداقه مع معزة 🐐 اسمها رشيدة عشنا معاه ذكريات كتير ومغامرات اكتر ضد مشرط الشرير ورجالته شخصيه بكار من ابتكار المخرجة" منى أبو النصر"
🖍️الفكرة بدأت سنة ١٩٩٧ بطلب من سهير الأتربى رئيسة التلفزيون المصرى وقتها اللى كانت عايزة تنتج فيلم 🎬 عن طفل 🧒 من جنوب مصر 🇪🇬 مدته خمس دقايق وده لان عام ١٩٩٧ اتسمى بعام طفل الجنوب
👩 منى ابو النصر طلبت من السيناريست عمرو سمير عاطف يكتبلها فيلم يعرضوا فيه الاثار والمعابد ويكون بطله طفل من الجنوب عمرو سمير عاطف أبتكر شخصية بكار الخيالية وكتب فيلم بيعرض يوم من حياة بكار وبعد نجاح الفيلم سهير الأتربى طلبت إنه يتحول لمسلسل كل يوم مغامرة جديدة وموضوع جديد 🆕 اتعرض المسلسل لأول مرة فى التلفزيون سنه ١٩٩٨ وحقق نجاح كبير جدآ وبالصدفة شخصية بكار الخيالية بقى واحد من العيلة وبقى قدوة لجيل التمنينات والتسعينات مسلسل بكار شارك فيه فنانين كتير.
🔺 محمد درويش
🔺 عمرو مصطفى
🔺 محمد محمود
اللى قاموا بدور بكار فى مواسم مختلفة
🎥الفنان: عادل خلف اللى قام بدور مشرط الشرير والخال سيدون.
🎥الفنانة: سهير البدراوى اللى قامت بدور أم بكار والجدة بخيته والمعزة رشيدة وحبيبة وحسونة
وشخصية بكار رسمتها 🖌 الفنانة : نيفين الجبلاوى
والأغنية كانت بصوت ابن النوبة محمد منير
اللى ساهم فى نجاح المسلسل📺 بشكل كبير
سبتمبر سنة ٢٠٠٣ ماتت المخرجة منى ابو النصر بعد ما اخرجت ٥ مواسم من المسلسل لكن بكار كمل معانا وأخرجه من بعدها ابنها شريف جمال لحد سنة ٢٠٠٧ وده كان أخر موسم لبكار بعد ٩ سنين من الذكريات سنة ٢٠١٥ رجعلنا بكار من جديد بشكل مختلف لكن ماقدرش يحقق النجاح اللى حققة بكار اللى عرفناة زمان واللى لسة ذكرياتة عايشة معانا لحد دلوقتى فى بداية الألفينات كانت كل حاجة ليها طعم مختلف كانوا الفنانيين بيقدموا فن حقيقى لكن دلوقتى كل حاجة بقيت تجارية وماسخة وملهاش طعم معظم البيوت المصرية زمان كان فيها تلفزيون واحد ومكانش فى حاجة اسمها اعادة كنا بنقعد نتخانق مع بعض عشان كل واحد عايز يشوف حاجة مختلفة.
🖍️ اكتبلنا فى الكومنت الحاجه اللى كنت بتحب تشوفها وانت صغير 🧒
ليست هناك تعليقات:
إرسال تعليق
اكتب تعليقك اذا كان لديك أى تسائل عن الموضوع وسنجيبك فور مشاهده تعليقك