هرمونات السعادة ❤️ ازاى تبقى سعيد؟

كلنا عايزين سعادة
بس اية هى السعادة
ولا اية معنى السعادة
قولى ياصاحب السعادة


                    قولى قولى
بالكلمات دى بدا الكاتب أبو السعود الإيبارى مونولوجه الشهير اللى غناه اسماعيل ياسين وبيوصف فيه معادله السعادة واللي هتكون موضوعنا النهاردة فى اربع هرمونات مسئوولة عن تحديد مستوى السعاده جواك.

١.هرمون هو Endorphin
ودا اللى جسمك بيفرزه لما بتقوم كده وتتحرك يعنى مثلا تروح الجيم او تمارس شوية رياضة وده اللي بيخليك تتغلب على الإجهاد والتعب اللي بيحس بيه جسمك وبيديك شعور بالراحة والاستمتاع بالحركه كمان الضحك و القرايه بيضاعفوا افراز هرمون Endorphin
يعنى الإنسان العادى بيحتاج من ١٠ ل٣٠ دقيقة كل يوم يلعب فيهم ر ياضة وزيهم يقضيهم فى القراية والضحك أو التعامل مع أى شخص هلاس 😊 عشان يحصل على جرعته اليومية من ال Endorphin.

٢.هرمون هو Dopamine
مرتبط بشعور الإنجاز يعنى أى مهمة سيادتك بتنجزها فى يومك سواء كانت كبيرة أو صغيرة بتفرزه عندك
كمان كلمات الشكر والتقدير على الحاجات اللى بنعملها وده اللى بيفسر ليه الستات فى بيوتهم بيبقوا مش مبسوطين وضاربين البوز شيبرين والرجاله بيتهموهم بالنكد وده لانهم نادرا لما بيسمعوا كلمات شكر وتقدير على المجهود اللى بيبذلوه طول اليوم ال Dopamine كمان مرتبط بالشغف يعنى لما بنشترى أى حاجه جديدة بيتفرز عندنا الهرمون ده اللى بيفسر ليه الستات بالذات بيحبوا الشوبنج.

٣. هرمون Sertonin
مرتبط بشعور العطاء يعنى لما بنساعد الناس او بنعمل خير بيتفرز عندنا الهرمون ده.

٤.هرمون Ocxytocin
دا الهرمون اللى جسمك بيفرزه لما بتقرب من ناس بتحبها ❤️يعنى تحضن حد من أهلك أو أصحابك علشان كده بنحضن الأطفال الصغيرين  لما بيعيطوا عشان نزود عندهم هرمون الOcxytocin
✔️يعنى ببساطة نلعب شوية رياضة 🚵‍♂️كل يوم عشان ال Endorphin

✔️ونعمل اى انجاز🏆 عشان ال Dopamine

✔️ونساعد الناس🧓👴 عشان ال Serotonin

✔️ونحضن ولادنا واصحابنا واهالينا 👩‍❤️‍👨👨‍👩‍👧‍👦
 عشان ال Ocxytocin
                           Don't forget
                                 ......to
                                😉Smile