الصين بلغت منظمة الصحة العالمية بظهور مرض إلتهاب رئوى حاد بينتشر فى مدينة "ووهان" مش معروف أسبابه ولا مصدره وفى ٩يناير سجلت الصين أول حالة وفاه بالفيرس الجديد لشخص عمره ٦١سنة وفى ١٠يناير إتحدد الفيرس إنه نوع جديد من سلسلة فيروسات كورونا وإتسمى covid-19 اللي ف الاصل بيصيب الحيوانات والطيور وقدر يتطور ويوصل للبشر الفيرس إنتشر فى أكتر من ٦٠دولة وعدد المصابين وصل ل ١٣٠ ألف حالة مات منهم ٤٥٠٠حالة و٦٧ألف حالة قدروا يهزموا الفيرس والأرقام دي بتزيد مابين لحظة والتانية كورونا إتنقل من الصين للبلاد القريبة منها زى كوريا الجنوبية 🇰🇷 واليابان ومنها لايران وايطاليا والمانيا وامريكا والدول العربية حسب منظمة الصحة العالمية ٨٠٪ من الحالات بتتصاب بأعراض خفيفة و٦٪ بس اللي أعراضهم بتبقى خطيرة والأعراض بتبقى صداع واجهاد وكحة جافة وحمى وأحياناً بتوصل لضيق تنفس والتهاب رئوى حاد
كتير بيقولوا إن الفيرس بيموت مع الحراره وهينتهى مع الصيف لكن منظمة الصحة العالمية نفت الكلام ده وغيرهم بيقولوا إن الفيرس مش بيصيب الأطفال لكن ف الحقيقة هو بيصيب كل الفئات العمرية وخطورتة فى سرعة انتشارة
ووصل لشخصيات عامه ومسؤولين وعدد كبير من الحكومه الإيرانية الفيرس بينتشر عن طريق اللمس والرذاذ والنفس لازم نغسل ايدينا بأستمرار بالصابون ونحاول منلمسش أى سطح فى اماكن تجمعات وياريت نبطل بوس وأحضان وسلام بالإيد ومنستعملش أى وسائل شرب او أكل فى اماكن عامه اى حد يحس بأعراض الإصابة يلبس كمامة ويكشف فى أسرع وقت ويعزل نفسة لحد ما يتاكد من حالتة علشان ميسببش إنتشار للمرض يوم ١١ مارس منظمه الصحة العالمية أعلنت فيرس كورونا وباء عالمى العالم 🌏 فى تحدى جديد وإحنا قالبينها ميمز وهزار وكوميكس وللأسف الموضوع
ما يضحكش ياترى ؟ العالم هيقدر يسيطر على الفيرس ولا كورونا هيحصد ارواح الملايين.
فعلا الموضوع ميضحكش ومحدش هيحس بيه غير لما حد قريب منه يتصاب وهو مش قادر حتي يلمسه ولا يودعه وهو بيموت ربنا يسترها علي مصر والمصريين
ردحذف