اتغير شكلها على مدار سنين، لكنها فضلت المكان اللي بيحتوينا. وبنهربلها من مشاكل الحياة. وانت معدي من قدامها. هتشم ريحة البن مع دخان الشيشة القص والسلوم. وهتسمع دندنة ناس ميعرفوش بعض. على صوت أم كلثوم فى الخلفية. بيقولوا أول قهوة فى العالم 🌏 كانت فى سوريا 🇸🇾. واتعملت سنة ١٥٣٠ وفى اواخر عصر المماليك ظهرت اول قهوة فى القاهرة وبدأت القهاوى تنتشر بسرعة كبيرة جدا لحد ما كل مجموعة من الناس بقى ليهم قهوتهم الخاصة سنه ١٩٠٨ فى وسط البلد ظهرت قهوة ريش اللى كانت مكان تجمع للشعراء والمثقفين زى نجيب محفوظ اللي كان بيروحها كل يوم جمعه يشرب كوباية شاى خمسينه بالنعناع ويعمل عظمة زارها عدد كبير من الزعماء العرب ووقت الإحتلال الانجليزى كانت المكان اللى بيطبع المنشورات وبيخبى ثوار ١٩١٩ قهوه البستان.
القهوة دى مكتوب على يافطتها ملتقى الأدباء والفنانين موجودة فى ميدان طلعت حرب وعمرها أكثر من ٨٠ سنة
بيتعمل فيها نقاشات أدبية لحد دلوقتى وبيتعزف فيها مقطوعات موسيقية أو أغانى قديمة بتخلى للمكان طابع خاص الناس بتشبه بقهوة الحرية اللى إتاسست فى نفس السنة وكانت بردو ملتقى لمجموعة كبيرة من الفنانين زى رشدى أباظة واحمد رمزى وشكرى سرحان واتقال فى كتاب وصف مصر 🇪🇬 للكاتب الفرنسى اوديموفغانسا جوماغ إن نابليون قعد شرب كوباية حلبة على الفيشاوى القهاوى إنتشرت للعالم العربى كله لدرجة إن نادى الترجى التونسى نشأ من قعدة على قهوة وإتسمى على اسم قهوة الترجى سنه ١٩١٩ ودلوقتى بقى اكبر نادى فى تونس القهوة اتغير اسمها واتغيرت المشاريب بس لو حبيت تعرف يعنى ايه قهوة بلدى انزل حوارى السيدة او الحسين واقعد على قهوة
ليست هناك تعليقات:
إرسال تعليق
اكتب تعليقك اذا كان لديك أى تسائل عن الموضوع وسنجيبك فور مشاهده تعليقك