هجوم قاسى من الطبيعة.
مدن بأكملها فاضية.
حالة طوارئ فى العالم 🌏 كله.
وحظر تجوال فى الشوارع.
مشهد سريالى مخيف.
فى ظل تناقل اخبار مغلوطة.
بيطرح سؤال؟
مين المستفيد من كل ده؟
الإجابة هى كوكب الأرض
العالم بقاله ٣شهور بيعانى من وباء قاتل حصد آلاف الأرواح وحبس ملايين الناس فى البيوت covid-19 او فيرس كورونا بس الطبيعة إستفادت من معاناة البشر وحصل فيها تغيرات ايجابية كتير فى الصين 🇨🇳 التلوث الكيميائى قل بنسبة ٧٠٪ بسبب قفل المصانع الفترة اللى فاتت والتلوث الهوائى قل بنسبة ٦٥٪ بسبب تعطيل المواصلات العامة وفى ايطاليا 🇮🇹 قنوات فينيس نضفت والدلافين رجعتلها بسبب توقف السياحة وعدم وجود أى ملوثات جديدة حيوانات كتير بدأت تظهر فى شرق آسيا كنا فاكرينها إنقرضت ودرجة حرارة الكوكب إنخفضت بسبب قله إنبعاثات ثانى أوكسيد النيتروجين وده بناءآ على صور إلتقطتها وكالة ناسا للغلاف الجوى وقارنت بينها وبين فترة ما قبل كورونا يمكن تكون دى رسالة من الطبيعة للكوكب عشان نقدر نكمل عليه حياتنا من غير تلوث او مشاكل فيرس كورونا اثبت لنا قد ايه سلوكياتنا اليومية بتدمر كل حاجة حوالينا وإن الطبيعة تقدر تعالج نفسها من الأضرار اللي بيسببها الإنسان فى وقت قصير جدآ كل اللي محتاجاه شويه راحه من البشر.
ليست هناك تعليقات:
إرسال تعليق
اكتب تعليقك اذا كان لديك أى تسائل عن الموضوع وسنجيبك فور مشاهده تعليقك