ليه الصينين بياكلوا اى حاجة بتتحرك وأغرب الأكلات فى العالم

إفتكر ديما إن اللى مش مقبول عندك مقبول عند غيرك واكتر حاجه الناس بتختلف عليها هى الاكل لإنه معتمد على الذوق والفطرة والتعود وأحيانا المجاعات فكرة إن الصينين بياكلوا كل حاجة بتتحرك جت بسبب مجاعة حصلت فى عهد الزعيم الشيوعى ماو تسى يونغ والملقب بصانع السنوات العجاف من سنة ١٩٥٨ لسنة ١٩٦١ وراح ضحيتها ٤٠ مليون إنسان وبتعتبر من أعنف المجاعات على مر التاريخ وقتها كانوا مضطرين ياكلوا اى حاجة بتتحرك قدامهم عشان يعيشوا إنت طبعا لو البيضة عدت عليها يوم،  او اتنين.. بترميها لكن ف الصين 🇨🇳 البيض بيتخزن لشهور فى الطين لحد ما يتحول الصفار للون الأخضر الغامق حاجة صعبة ومقززة ومتبررهاش اى مجاعات وفى كمبوديا الوجبة المفضلة هناك هى العناكب المقلية اللى كانت بتتاكل زمان بسبب المجاعات كمصدر بديل للبروتين ومع الوقت إتحولت لأكلة شعبية عشان حبوا الموضوع اوى العقارب بالشكولاتة آكلة شعبية فى آسيا بيقلوا العقارب ويغطوها بالشكولاتة السايحة بعد ما بيتشال منها السم وبيقدموها مع القهوة على الفطار الخفافيش فى تايلند زى الطعمية عندنا بالضبط وفى دول تانية فى آسيا بياكلوها صاحية مع حليب جوز الهند 🥥 الاخطبوط 🐙 النى واللى يعتبر أكلة مشهورة جدا فى كوريا 🇰🇵 وبيتقدم وهو صاحى وممكن تشوفه بيتحرك قدامك ف الطبق كل الإضافة عليه بيكون زيت وسمسم الكوريين كمان بيحبوا لحم 🥩 الكلاب وده اكتر طبق شوربة مشهور عندهم وفى أكلة كندية جميلة مقرفة وهى مناخير الغزال اللي بيتغلى مع بصل وبهارات وبتتاكل هناك كوجبة أساسية ومن كندا لإيطاليا أكلة المارسو أو الجبنة البايظة وده نوع جبنة مشهور بريحته المعفنة لإن الإيطالين بيضيفوا عليه بيض الدبان أما فى فيتنام فبياكلوا حاجه غريبه جدا عباره عن بيض بط جواه جنين غير مكتمل النمو وفى فرنسا 🇫🇷 من اشهر الأكلات هناك هى رجول الضفادع اللي بتتشوى او بتتعمل شوربة الوجبة المفضلة فى جنوب أفريقيا هى الديدان اللي بتتجفف وبتتاكل كنوع من انواع السناكس او بتتطبخ مع الصلصة وبيقولوا إن طعمها شبه طعم الفراخ المشوية فى اليابان 🗾 بياكلوا  نوع حلويات غريب  جدا وهى كيك الدبابير أما جايزة أكتر أكلة مقرفة فى العالم 🌏 فتذهب وبجدارة لطبق صلصة دم الخنزير اللي بيتعمل مع كبد ورئة الخنزير والمقرف اكتر انه بيتاكل ني احنا كمان بالنسبة للعالم بناكل اكل غريب زى الكرشة والممبار والمش والفسيخ وفى اجانب لما جربوا الأكل ده قرفوا وفى منهم اللي جالة حالة تسمم مالها المكرونه والبانية.