المَن

 

تاكل المَن بطعم ايه؟

- في الحقيقه انا كنت فاكر ان المَن بتاع العهد القديم دا حاجه صغيره كدا وطعمها زي ما قال سفر العدد قطايف بالزيت او طعمه زي ما كان بيقول المفسرين رقاق بالعسل او فطيره بالكستر ولكن اكتشفت انه :

-  ملوش طعم محدد وعامل زي الشيبسي او البيك رولز بكذا طعم مش طعم واحد بس يعني المَن دا تاكله لو عاوزه بطعم البطيخ يتحول في بوقك لبطيخ ؛ عاوزه يبقي بالبصل يتحول في بوقك لطعم البصل حتي لو عاوزه بطعم السمك المشوي انشاله بطعم الشيش طاووك 

- ودا لأنهم اتذمروا وكانوا عاوزين أكل زي بتاع ارض مصر سمك وبطيخ وكرات وبصل وثوم فلما راجعت المذكور في [سفر الحكمه اصحاح 16]

- لاقيت ان المَن دا كان بيتحول في بوق كل واحد علي حسب الطعم اللي هو عاوزه او الاكل اللي نفسه ياكله علشان من محبه ربنا يفتح شهيتهم في الصحراء 

" أَمَّا شَعْبُكَ فَبَدَلًا مِنْ ذلِكَ أَطْعَمْتَهُمْ طَعَامَ الْمَلاَئِكَةِ، وَأَرْسَلْتَ لَهُمْ مِنَ السَّمَاءِ خُبْزًا مُعَدًّا لاَ تَعَبَ فِيهِ، يَتَضَمَّنُ كُلَّ لَذَّةٍ، وَيُلاَئِمُ كُلَّ ذَوْقٍ، لأَنَّ جَوْهَرَكَ أَبْدَى عُذُوبَتَكَ لِبَنِيكَ، فَكَانَ يَخْدُمُ شَهْوَةَ الْمُتَنَاوِلِ، وَيَتَحَوَّلُ إِلَى مَا شَاءَ كُلُّ وَاحِدٍ. "

- مش بس ربنا اهتم بملابسهم في الصحرا وكانت بتكبر معاهم وعلي مقاسهم هي والصنادل انما قد ايه ربنا دا حنين بشكل ويهمه حتي زوق وشهيه كل واحد في الأكل مش بس بيسد خانه الجوع انما دا مهتم بالمذاق عند كل واحد في شعبه

" مَا أَعْظَمَ جُودَكَ الَّذِي ذَخَرْتَهُ لِخَائِفِيكَ، وَفَعَلْتَهُ لِلْمُتَّكِلِينَ عَلَيْكَ تُجَاهَ بَنِي الْبَشَرِ" مز ٣١