_ من وجهة نظري مفيش حاجه اسمها حب من أول نظره .. ممكن يكون اعجاب .. لكن الحب بيحتاج وقت علشان تقدر تتأكد من مشاعرك
_ حلو انك تقابل حد وتعجب بيه .. بس عمرك ما هتقدر تحكم علي مشاعرك من ناحيته الا بعد فتره من القرب والتعامل والمشاركه والصداقه معاه
_ اي اتنين عايزين يكون بينهم علاقة حب حقيقيه لازم قبل ما يكونوا اتنين حبايب يبقوا اتنين صحاب .. الصداقه قبل الحب هي حجر الأساس اللي بتتبني عليها العلاقه كلها
_ اوعي تستعجل ف الحب .. خد وقتك ع الأخر .. متقولش كلمه الا لما تكون حاسسها ومتوعدش وعد الا لما تكون قادر توفيه .. كلمة ( بحبك ) امانه لازم تكون أدها
_ وانت بتقرب من حد متحاولش انك تعمل كل حاجه علشان تعجبه ف البدايات .. خليك علي طبيعتك .. خليه لما يحبك يحبك بكل ما فيك من صفات .. علشان بكره وبعده ميتصدمش ف شخصيتك .. لكن ف نفس الوقت حاول بكل طاقتك انك تتغير للأفضل .. ومتقلقش .. لو حبيت هتتغير غصبآ عنك .. الحب بيحلي
_ الفتره اللي قبل الارتباط اهم بكتير من فترة الارتباط نفسها .. هي الفتره اللي بتخليك تقدر تاخد قرار هتكمل ولا لأ .. لازم تعيشها للأخر ولازم تتصرف فيها بمنتهي الحكمه والنضج
_ قرار الارتباط أهم قرار ف مشوار حياتك .. محتاج صلاه وتفكير وصبر و وقت ..
_ وانت بتختار بلاش تفكر بشكل سطحي .. متدورش ع اللي جسمها حلو وشكلها عاجبك .. متدوريش ع اللي لبسه شيك و ملامحه حلوه .. الجوهر أهم .. والمظهر خداع .. دوروا ع الصفات اللي هتفضل وهتكمل .. الحنيه والطيبه والأخلاق والطموح والثقافه والجدعنه .. كل دي حاجات أهم بكتير من الشكل والجسم
_ متبنوش قرارتكم ف الارتباط بناءآ علي مشاهد رومانسيه ف مسلسلات أو قصص قرتوها في كام روايه .. الواقع مختلف عن الخيال .. التمثيل حاجه .. والحياه العمليه حاجه تانيه خالص
_ قرب م اللي يقربك من ربنا .. وابعد عن اللي هيبعدك عنه
_ أخيرآ ..
متقبلوش ب حب اقل م اللي بتتمنوه .. ومتدخلوش علاقه مش مرتاحين فيها .. الجواز قرار بيتاخد مره واحده بس ف العمر .. مينفعش فيه مغامره أو تجربه .. ابني علاقة حبك صح من البدايه علشان تعيش معاك لأخر العمر ..
اللي النهارده بتزرعه ف ( اختياراتك ) بكره هتحصده ف ( حياتك ) ❤️
ليست هناك تعليقات:
إرسال تعليق
اكتب تعليقك اذا كان لديك أى تسائل عن الموضوع وسنجيبك فور مشاهده تعليقك