يوم ٤نوفمبر سنه ١٩٢٢عالم المصريات الإنحليزى هوارد كارتر اكتشف مقبرة توت عنخ امون فى وادى الملوك فى جنوب مصر 🇪🇬 واكتشف جواها كنوز كتير دهب ومجوهرات وتماثيل ونبات العرقسوس 🍀 العرقسوس نبات 🌱شجرى🌳 قديم بيتزرع فى أماكن كتير ف العالم 🌏 زى مصر 🇪🇬 وسوريا وبلاد اسيا واوروبا وفى منه اكتر من ١٢ نوع وفى العصر الفرعونى العرقسوس كان مشروب 🍵 الملوك 👑 والطبقات العليا وكانوا أطباء 👩🔬👨🔬 الفراعنة بيخلطوه بالأدوية عشان يقللوا من مرارتها ده غير إنهم كانوا بيستخدموه فى علاج أمراض الكبد والجهاز الهضمى
عرقسوس : هى كلمة أصلها عربى ومعناها جذور النبات المتأصل فى الأرض
وارتباط العرقسوس 🍀 بشهر رمضان 🌜 بدأ سنة ٩٦٩ ميلاديآ مع بداية الحكم الفاطمى لمصر وقتها
الفاطميين كانوا بيوزعوا العرقسوس 🍵 على العامة بعد الفطار عشان يقضى على الاحساس بالعطش ويعوض جسمهم عن فترة الصيام ومن الوقت ده ظهرت مهنة بياع العرقسوس 🍀 باللبس الفلكورى والابريق النحاس
العرقسوس فيه مواد سكرية وأملاح مهمة للجسم زى أملاح الكالسيوم والبوتاسيوم والماغنسيوم اللى بتساعد على التخفيف من التهابات الجهاز الهضمى وبتستخدم فى صناعة الأدوية اللى بتعالج قرحة المعدة وكمان فيه مادة اسمها جلسريزين ودى مادة طعمها أحلى من السكر المستخلص من قصب السكر ومن عسل النحل
العرقسوس 🍀 فوايده كتير ونصح بيه الأطباء فى الحضارات والعصور المختلفة الصينين اعتبروا العرقسوس 🍀 من أهم الأعشاب فى الطب الصينى والعالم العربى ابن البيطار أوصى بعصارة العرقسوس 🍀 فى كتبه 📚 الطبية وابن سينا قال فى كتاب 📖 القانون فى الطب إن عصارة العرقسوس 🍀 بتداوى الجروح وبتعالج التهابات الحلق والمعدة والأمعاء وبتنقى الصوت والأبحاث العلمية الحديثة اثبتت إنه بيساعد على تنضيف الجهاز التنفسى وبيقلل من الإجهاد والتهابات المفاصل الروماتزمية وبيعالج أنواع من أمراض الأعصاب وبالرغم من فوايده الكتيرة لكن برضو ليه أضرار منها إنه بيأثر على مرضى القلب والكلى وبيسبب أضرار للحوامل 🤰 زى الولادة المبكرة والمواد الكيمائية الموجودة فى العرقسوس 🍀 ممكن تتداخل مع أنواع من الأدوية وتبطل مفعولها
✳️
عشان كده الأطباء بيمنعوا المرضى من مشروب العرقسوس 🍵 وبينصحوا الأصحاء بكميات قليلة
ليست هناك تعليقات:
إرسال تعليق
اكتب تعليقك اذا كان لديك أى تسائل عن الموضوع وسنجيبك فور مشاهده تعليقك