فيرس كورونا السبب فى اول حجر صحى؟

أكتر من نص سكان العالم 🌏 قاعدين فى بيوتهم دلوقتى ورغم التقدم العلمى اللى وصلناله إلا إن الحجر الصحى هو أقدم وانجح وسيلة مجربة فى التعامل مع الأوبئة على مر التاريخ فى العصور القديمة الكهنة عزلوا المصابين بالأمراض الجلدية والقرح لمدة اسبوع واتذكر الحجر الصحى فى الكتاب المقدس فى سفر اللاويين فى القرن الثامن الميلادى الوليد بن عبد الملك بنى اول بيمارستان فى دمشق وعزل المصابين بمرض الجذام فيها ومنع اختلاطهم بباقى الناس فى القرن ال ١٥ بنى العثمانين مستشفى لمرضى الجذام وعزلوهم عن باقى المرضى وكانوا بيطبقوا الحجر الصحى فى حاله انتشار مرض جديد أما مصطلح الحجر الصحى
ظهر لاول مرة فى مدينة البدقية فى  ايطاليا 🇮🇹  وتحديدا فى القرن ال ١٤ وكان معناه مدة الأربعين يوم ودى المدة اللى عزلوا فيها السفن بعيدا عن موانى البلد لحد ما يتاكدوا إن ركابها مش مصابين بمرض الطاعون اللى قضى وقتها على تلت سكان اوروبا ومصر كانت من أول الدول اللى طبقت الحجر الصحى مع انتشار الكوليرا وحط محمد على باشا نظام للحجر الصحى وبنى الكورنتينات على طول السواحل المصرية وكان ممنوع على أى وافد من بره إن هو يخش البلد قبل ما يقعد ١٤ يوم حجر وقلل الناس فى الشوارع ومنع التجمعات فى اواخر القرن ١٨ ضربت الحمى الصفرا الولايات الأمريكية

وطبقوا الحجر الصحى وكانوا بيحطوا أعلام صفرا على اى منطقه بيظهر فيها المرض وفى ٢٠١٦ غرب أفريقيا عزلوا المرضى بفيروس إيبولا فى بيوتهم وفى ٢٠١٩ والصين طبقت أول حجر جماعى فى مدينة ووهان مع انتشار فيروس كورونا 😷 والعالم كله اعلن الحجر الصحى من بعدها

⚕️ الحجر الصحى ممكن يكون ممل ليك بس هو بيحميك

وعلشان كده 

 Stay at home 🏡 stay safe