برميل النفط

بعض الناس متخيلة أنه برميل بجد !!
.
يافندم دي وحدة قياس مش برميل حقيقي يعني لما اجي اقولك انا معايا اكل يملا 3 علب كبيرة ، مش معناها اني حطيته في علب ، معناها اني بقولك وحدة قياس عشان تفهمني وتفهم الكمية اللي انا بتكلم عنها قد ايه.
.
دي صورة لاكبر خزانات نفطية أمريكية ، في مدينة كوشينج ولاية أوكلاهوما ،النفط بيدخل للمخازن عن طريق أنابيب مربوطة مع الآبار مباشرة.
.
باقي مخازن امريكا متركزة في ولايات تكساس ولويزيانا ،، لأسباب غير مهمة ولا يتسع الوقت لشرحها.
.
المهم أن الصورة طبعا بتوضح أنها بنية تحتية ضخمة وبناءها وتوسعتها يستغرق سنوات ، ومكلفة جدا.
.
العالم أقصي قدرة استيعابية لمخازنه النفطية في البر تساوي 1.2 مليار برميل + مخزونات بحرية تساوي 160 مليون برميل ، والقدرة التخزينية دي تكفي لتغطية استهلاك العالم مدة 13 الي 15 يوم فقط ... فبلاش تحلم كتير.
.
سعر البترول واقع أيوة ونتمني نقدر نخزن اكبر كمية ممكنة تكفينا سنة وتلاتة وعشر سنين ، بس هنجيب منين مخازن بقي تكفي كل الكميات دي ومين هيدفع تكلفة التخزين دي اللي هي أكبر من سعر البترول نفسه؟!
.
فلما اجي اقولك مفيش مخازن كفاية مينفعش تقولي
"يا سيدي نحط البراميل في أي حتة ارض فضاء ونجيب مرجان الغفير ومراته وعياله المراجين الصغيرين نبني لهم اوضة وكشك سجاير يسترزقو منه وبالمرة يحرسوا البراميل بليل..سهلة اهي والله يا باشا"

.
الكلام دة تقوله في كفر ابو المراجين هناك مش عندي هنا