كيف بدا المسحراتى 🥁

كل يوم فى رمضان 🌜وقبل الفجر بدقايق بنسمع صوت المسحراتى 🥁 واحدة من الطقوس اللى بتفرحنا وبتحسسنا بأجواء شهر رمضان أيام الرسول كانوا بيأذنوا الفجر مرتين
بلال بن رباح كان بيأذن قبل الفجر علشان الناس تقوم تتسحر وعبد الله بن مكتوم كان بيأذن وقت الفجر علشان الناس تمتنع عن الاكل والشرب سنة ٢٢٨ هجريآ 🌗 أول واحد طاف فى الشوارع عشان يصحى الناس للسحور كان عنبسة بن اسحاق واللى كان والى مصر فى وقت من الأوقات عنبسة كان بيمشى من مدينة العسكر الى فى الفسطاط لحد جامع عمرو ابن العاص وكان بينشد أناشيد دينية بصوت عالى علشان يصحى الناس للسحور وفى عصر الدولة الفاطمية الحاكم بأمر الله أمر الجنود انهم يعدوا على البيوت 🏡 ويخبطوا على الأبواب عشان يصحوا الناس للسحور وبعدها عيين مسحراتى مخصوص لكل منطقة يعدى على البيوت ويقول اصحى يانايم وحد الدايم وفى الدولة الطولونية الستات كانوا بيقعدوا ورا المشربية وينشدوا اناشيد دينيه علشان يصحوا اهل الحى للسحور وفى اليمن المسحراتى 🥁 كان بيخبط على الابواب بالنبابيت وفى المغرب 🇲🇦 المسحراتى 🥁 كان بيعزف على المزمار 🎷 اما بقى فى الشام كان بيعدى على البيت ويعزف على العود والطنابير 🪕 وينشد اناشيد دينية وفى القرن ال ١٩ اتطور موضوع المسحراتى فى مصر والسودان المسحراتى كان بيمشى شايل طفل 🧒 فى ايده فانوس 🏮 وكان معاه دفتر مسجل فيه أسامى كل الحى وكان بينده على كل واحد بأسمه رمضان مش صيام عن الاكل والشرب رمضان صيام للروح
كل سنه وانتم طيبين 🎈